შავი პილპილის სარგებელი

შავი პილპილის სარგებელი

შავი პილპილი მსოფლიოში ერთ-ერთი ყველაზე ხშირად გამოყენებადი სანელებელია, რომელიც მზადდება წიწაკის გამხმარი მარცვლების დაფქვით.

მას აქვს მკვეთრი და რბილად პიკანტური არომატი, რომელიც ძალიან ბევრ  კერძს უხდება.

თავისი დახვეწილი და თამამი არომატით, ის მრავალმხრივი სანელებელია.

დაფქული შავი პილპილი გამოიყენება ბოსტნეულისთვის, მაკარონის, ხორცის, თევზის, შესაზავებლად.

ის ასევე კარგად ერწყმის სხვა ჯანსაღ სანელებლებს, მათ შორის კურკუმას, კარდამონს, კუმინს, ნიორს და ლიმონის ცედრას.

თუმცა, შავი წიწაკა უფრო მეტია, ვიდრე უბრალოდ სამზარეულოს ინგრედიენტი. ოდითგანვე შავი პილპილი მიიჩნეოდა "სანელებლების მეფედ". სასარგებლო მცენარეული ნაერთების მაღალი კონცენტრაციის გამო, მას უკვე ათასობით წელია იყენებენ აირვედიულ მედიცინაში.

მდიდარი ანტიოქსიდანტებით

თავისუფალი რადიკალები არასტაბილური მოლეკულებია, რომლებსაც შეუძლია უჯრედების დაზიანება. ზოგიერთი თავისუფალი რადიკალი ბუნებრივად იქმნება – მაგალითად, ვარჯიშის დროს და საჭმლის მონელებისას.

თუმცა, ზედმეტი თავისუფალი რადიკალები შეიძლება წარმოიქმნას ისეთი ფაქტორების ზემოქმედებით, როგორიცაა დაბინძურება, სიგარეტის კვამლი და მზის სხივები.

თავისუფალი რადიკალების გადაჭარბებულმა დაზიანებამ შეიძლება გამოიწვიოს ჯანმრთელობის სერიოზული პრობლემები. მაგალითად, ის დაკავშირებულია ანთებასთან, ნაადრევ დაბერებასთან, გულის დაავადებებთან და ზოგიერთი სახეობის კიბოს განვითარებასთანაც კი.

შავი პილპილი მდიდარია მცენარეული ნაერთით, რომელსაც ეწოდება პიპერინი. მას აქვს ძლიერი ანტიოქსიდანტური თვისებები.

ანთების საწინააღმდეგო თვისებები

ქრონიკული ანთება შეიძლება იყოს მრავალი მდგომარეობის გამომწვევი მიზეზი, მაგალითად: ართრიტის, გულის დაავადებების, დიაბეტის და ასე შემდეგ.

პიპერინი ასევე თრგუნავს სასუნთქ გზებში ასთმით და სეზონური ალერგიით გამოწვეულ ანთებასაც კი.

თუმცა, შავი წიწაკისა და პიპერინის ანთების საწინააღმდეგო ეფექტი ჯერ კიდევ არ არის ფართოდ შესწავლილი ადამიანებში.

ამცირებს ქოლესტერინის დონეს

სისხლში მაღალი ქოლესტერინი ასოცირდება გულის დაავადების გაზრდილ რისკთან, რომელიც არის სიკვდილის გამომწვევი მთავარი მიზეზი მსოფლიოში.

შავი წიწაკის ექსტრაქტი კარგად არის შესწავლილი ქოლესტერინის დონის შემცირების კუთხით.

გარდა ამისა, შავი პილპილი და პიპერინი აძლიერებენ ისეთი ნივთიერებების შეწოვას, რომლებსაც აქვთ ქოლესტერინის შემამცირებელი ეფექტი, ესენია: კურკუმა და წითელი ბრინჯი.

კიბოს საწინააღმდეგო თვისებები

მკვლევარები ვარაუდობენ, რომ შავი წიწაკის აქტიურ ნაერთს, პიპერინს, აქვს კიბოსთან ბრძოლის თვისებები.

კვლევებმა აჩვენებს, რომ პიპერინი ანელებს სარძევე ჯირკვლის, პროსტატის და მსხვილი ნაწლავის კიბოს უჯრედების რეპლიკაციას და იწვევს კიბოს უჯრედების სიკვდილს.

უფრო მეტიც, პიპერინმა აჩვენა პერსპექტიული ეფექტები ლაბორატორიულ კვლევებში კიბოს უჯრედებში მრავალნარკოტიკული რეზისტენტობის შესაცვლელად.

სხვა ბენეფიტები

აძლიერებს საკვები ნივთიერებების შეწოვას. შავი წიწაკა ზრდის ისეთი აუცილებელი საკვები ნივთიერებების შეწოვას, როგორიცაა კალციუმი, სელენი, მწვანე ჩაი და კურკუმა.

ხელს უწყობს მომნელებელი სისტემის ჯანმრთელობას. ნაწლავური ბაქტერიების შემადგენლობა პირდაპირ არის დაკავშირებული იმუნურ ფუნქციასთან, განწყობასთან, ქრონიკულ დაავადებებთან და ასე შემდეგ. კვლევები ვარაუდობს, რომ შავი პილპილი ზრდის კარგი ბაქტერიები რაოდენობას მომნელებელ სისტემაში.

შეჯამება

შავი პილპილი ზრდის აუცილებელი საკვები ნივთიერებებისა და მცენარეული ნაერთების შეწოვას. კვლევების თანახმად, მას ასევე შეუძლია ხელი შეუწყოს ნაწლავების ჯანმრთელობას და შეამციროს საერთო ქოლესტერინის დონე.