როგორ მოვამზადოთ სხეული ზაფხულისთვის?
საკვები დანამატები შეგვიძლია შევადაროთ ინსტრუმენტს, რომელიც გვეხმარება დასახული მიზნის მიღწევაში. ზაფხული სწორედ ის სეზონია სადაც თქვენ შეგიძლიათ აჩვენოთ მთელი წლის შრომისმოყვარეობა თუ მიზანდასახულობა.ამ სტატიაში განვიხილავთ 5 ოფიციალურად დადასტურებულ საკვებ დანამატს და იმას თუ, როგორ გვეხმარებიან ისინი სასურველი მიზნის მიღწევაში.(ზოგიერთი ადამიანი ზაფხულს „Six Pack Season” კი უწოდებს. ექვსი კუბიკის სეზონი.)
პროტეინი არის ერთ-ერთი ფუნდამენტური საკვები დანამატი, რომელიც აუცილებლად უნდა იყოს დანამატების სიაში მთელი წლის განმავლობაში. არსებობს მრავალი კვლევა, რომელიც ადასტურებს პროტეინის დადებით გავლენას სხეულის აღნაგობაზე, კუნთების სიძლიერეზე, ზრდაზე და მის შენარჩუნებაზე. ეს ყველაფერი ჯამში ქმნის ენერგიის რესურს და გაქვთ უნარი უფრო ეფექტურად ივარჯიშოთ. პროტეინის მიღება საკვები დანამატის სახით აუმჯობესებს 3 სხვადასხვა მხარეს.
სიძლიერე: პროგრესული სიძლიერის მატება საშუალებას იძლევა, ვარჯიშის დროს გაზარდოთ წონებით ვარჯიში. მძიმე წონების აწევა დადებითად მოქმედებს როგორც კუნთის ზრდაზე, ასევე დასვენების დღეებში გულისცემაზე. (მძიმე წონებით ვარჯიშს მწყობრში მოჰყავს და არეგულირებს გულისცემას.) რაც უფრო მაღალია მეტაბოლური მაჩვენებელი მით მეტ კალორიას წვავთ, ხოლო რაც უფრო მეტი კალორია იწვება, იკლებს სხეულის ცხიმის საერთო რაოდენობა.
კუნთების ზრდა. კუნთს ფუნქციონირებისთვის სჭირდება კალორიები. რაც უფრო მეტი კუნთი გაქვთ, სხეულს მით მეტი კალორიული რესურსი ესაჭირეობა. ზუსტად ამ პრინციპით, პროტეინი ახდენს კუნთების მასის ზრდასა და მის გამოკვებას, ხოლო დასვენების დროს, სავარჯიშო დატვირთვის შედეგად გახარჯული კალორიების მაქსიმალური აღდგენა მიმდინარეობს.
ცხიმის შემცირება. როდესაც ადამიანი მოიხმარს პროტეინის საკვებდანამატს რეგულარულ ვარჯიშთან და ჯანსაღ კვებასთან ერთად, ის უფრო მეტად წვავს ცხიმს.
ვარჯიშის დასრულების შემდეგ სწრაფად ათვისებადი პროტეინი(შრატის იზოლატი) გადამწყვეტ როლს თამაშობს ცილის სინთეზში. ამიტომაც არის, რომ პროტეინის საკვებდანამატები შესანიშნავი შესაძლებლობაა, რომ ორგანიზმს მიაწოდოთ ყველა ის საჭირო ნივთიერება, რაც მას ვარჯიშის დასრულების შემდეგ ესაჭიროება.
თერმოგენული. ცხიმისმწველის ეს ტიპი ზრდის სხეულის შიდა ტემპერატურას, რის შედეგადაც იცვლება გულისცემაც. ამიტომაც არის, რომ თერმოგენური ცხიმისმწველის მიღებისას შესაძლოა იგრძნოთ სხეულის შეხურება. გააჩნია საკმაოდ ძლიერი ცხიმისწვის ეფექტი. მისი ძირითადი ინგრედიენტებია: კოფეინი, იოჰიმბი და სინეფერინი.
ფარისებრი ჯირკვლის რეგულატორები. მსგავსი ტიპის დანამატი დაგეხმარებათ მეტაბოლიზმის და ენერგიის დონის რეგულირებაში. როდესაც ფარისებრი ჯირკვალი გამართულად არ მუშაობს, შეიძლება განიცადოთ მეტაბოლიზმის შენელება და მუდმივი დაღლილობის შეგრძნება.
თუ ჩამოთვლილი სიმპტომები თქვენთვის ნაცნობია, რეკომენდირებულია მიიღოთ ფარისებრი ჯირკვლის მარეგულირებელი საკვები დანამატი.(თუ თქვენ გაქვთ ფარისებრი ჯირკვლის სერიოზული დარღვევები, რომელიც მკვეთრად გამოიხატება ჰორმონალურ ცვლილებებში, ასეთ დროს, უმჯობესია მიმართოთ ექიმს.)
მწვანე ჩაის გამოყენება დაახლოებით 1000 წელს ითვლის. ძველად მწვანე ჩაი გამოიყენებოდა როგორც წამალი საშარდე სისტემისა და ჭრილობების შეხორცების მიზნით. თანამედროვე კვლევების საფუძველზე, დღეს მწვანე ჩაის გაცილებით მეტი სარგებელი აქვს. განვიხილოთ მისი უპირატესობები.
ანტიოქსიდანტები ებრძვიან თავისუფალ რადიკალებს, რომლებიც არის ბუნებრივი ტოქსინები ორგანიზმში.სხეულს შეუძლია თავისუფალი რადიკალების გამომუშავება, რომელსაც თავადვე უმკლავდება, მაგრამ გარემო ფაქტორები, როგორიცაა მზის ულტრაიისფერი სხივები და თამბაქოს კვამლი, ხელს უწყობს თავისუფალი რადიკალების დონის მატებას. მწვანე ჩაის მიღება დაგეხმარებათ გაზარდოთ ანტიოქსიდანტების დონე, რომელიც წინააღმდეგობას გაუწევს მავნე, თავისუფალ რადიკალებს.
მწვანე ჩაი ასევე იცავს კანს ულტრაიისფერი (UV) სინათლის დაზიანებისგან. ზაფხული არის დრო, როდესაც მხოლოდ ტანისამოსი დამცველად არ არის საკმარისი. ზაფხულის პერიოდში, მზე ყველაზე მეტად არის ახლოს არის დედამიწასთან, რის შედეგადაც ულტრაიისფერი გამოსხივება უფრო ძლიერია.
მწვანე ჩაი დაგეხმარებათ დაიცვათ კანის დაზიანებისგან. (მწვანე ჩაი არ იცავს ადამიანს მზის დამწვრობისგან, ის უბრალოდ ხელს უშლის კანის უჯრედების დაზიანებას.)
მწვანე ჩაი შეიცავს კოფეინს, რომელიც დადასტურებული სტიმულატორია ბირთვული ტემპერატურის გასაზრდელად. ეს კი შემდგომში იწვევს კალორიული წვის გააქტიურებას.
CLA, ცხიმოვანი მჟავა, რომელიც გვხვდება საქონლის ხორცსა და რძის პროდუქტებში. მას გააჩნია ჯანმრთელობის არაერთი სარგებელი. ერთ ერთი ასეთია კანქვეშა ცხიმისწვის ხელშეწყობა. საიტერესოა, როგორ შეიძლება „ცხიმოვანი მჟავა“ იყოს ცხიმისმწველი? CLA ეხმარება ორგანიზმს რეზერვული ცხიმების ენერგიად გარდაქმნაში. სხვა სიტყვებით რომ ვთქვათ, CLA “ერევა“ მეტაბოლურ პროცესებში და არ აძლევს ცხიმს დაგროვების საშუალებას.
ბეტა ალანინი, ამინომჟავა, რომელიც ხელს უწყობს კარნოზინის გამომუშავებას. კარნოზინი გვხვდება კუნთოვან ქსოვილში,რაც მას სწრაფად შეკუმშვის შესაძლებლობას აძლევს. მისი მთავარი უპირატესობა არის წყალბადის იონების ბუფერირება. კუნთებში წყალბადის იონების მაღალი შემცველობა გამოიწვევს დაბალ pH დონეს, ხოლო ეს კი შემდგომ ზრდის "ლაქტური მჟავას". კუნთოვან ქსოვილში წარმოქნმნილი რძემჟავა ვარჯიშის დროს გამოიწვევს ნაადრევ დაღლილობას და საბოლოოდ კუნთების უკმარისობის განცდას.
როდესაც pH დონე მცირდება, როგორც ATP-ი, ასევე კალციუმი, რომლის დონეც კრიტიკულად იკლებს, კუნთოვანი ქსოვილის მუშაობაში ნაკლებად ეფექტურია. მზა კარნოზინი არ შეიწოვება სრულად ორგანიზმის მიერ, ამიტომ თქვენ უნდა გამოიყენოთ ბეტა ალანინი, რომელიც ადვილად შეიწოვება და გარდაიქმნება კარნოზინად.ბეტა ალანინი მოგცემთ უნარს უფრო დიდხანს ივარჯიშოთ, რაც პირდაპირ აისახება ვარჯიშის დროს მეტი კალორიის წვაზე.