როგორ შევარჩიოთ პროტეინ ბარი?
დღევანდელ დროში პროტეინ ბარები ცილის მიღების მოსახერხებელი ვარიანტია.
შრატის პროტეინის ბარებიდან დაწყებული, ვეგანურით დამთავრებული, ვარიანტები მართლაც რომ ბევრია.
რათქმაუნდა ასეთი მრავალფეროვანი არჩევანი მეტყველებს პროგრესსა და განვითარებაზე, თუმცა აქვე ჩნდება კითხვა? როგორ უნდა შევარჩიო ნამდვილი, ჯანსაღი მდიდარი საკვები ნივთერებების მქონე პროეინ ბარი?
დღევანდელ სტატიაში ზუსტადაც რომ ამ საკითხზე ვისაუბრებთ.
1. კალორიული საჭიროებები
პირველი ნაბიჯი პროტეინ ბარის არჩევისას არის იმის გათვალისწინება, თუ როგორი ყოველდღიური საკვებ რაციონი გაქვთ. თუ არ ითვლით კალორიებს ან მაკროელემენტებს შეგიძლიათ გამოტოვოთ ეს ნაბიჯი.
მათთვის, ვინც მიზნად ისახავს ყოველდღიური კალორიული მიზნის მიღწევას ან მაკრონუტრიენტების თანაფარდობას, პროტეინ ბარის კვებითი შემადგენლობის გათვალისწინება მნიშვნელოვანია.
მიუხედავად იმისა, რეგულარულად მოიხმართ ცილოვან ბარებს, თუ დროდადრო, კარგი იქნება თუ შეუთავსებთ პროტეინ ბარს თქვენს ყოველდღიურ კვების მიზნებს.
მაგალითად, სხვადასხვა ბრენდის პროტეინ ბარები ან თუნდაც სხვადასხვა არომატი ერთი და იგივე ბრენდში, შეიძლება მნიშვნელოვნად განსხვავდებოდეს კალორიებით ერთმანეთისგან. საშუალოდ პროტეინ ბარების კალორაჟი შეადგენს 220-დან 410 კალორიამდე.
მაგალითად თუ თქვენი ყოველდღიური კალორიული მოთხოვნილება შეადგენს დაახლოებით 2000 კალორიას დღეში, პროტეინის ბარი, რომელიც შეიცავს 410 კალორიას, დაიკავებს თქვენი ყოველდღიური საჭიროების 20%-ზე მეტ კალორიას, რაც ნამდვილად არ იქნებოდა გონივრული.
2. შეამოწმეთ პროტეინის რაოდენობა და ტიპი
მოძებნეთ კვების ინგრედიენტების სია ეტიკეტზე, რათა დაადგინოთ რა ტიპის ცილაა გამოყენებული ბარში.
თუ იკვებებით ვეგანური საკვებით, პროტეინ ბარში გამოყენებული ცილა უნდა იყოს მცენარული.(სიო, ბარდა და ასე შემდეგ)
რაც უფრო მეტ ცილას შეიცავს ბარი, ლოგიკურია მის მაღალ ხარისხზე მიუთითებს.
მოძებნეთ პროტეინის ბარები, სადაც ცილის რაოდენობა 20-დან 30 გრამს შეადგენს. ეს განსაკუთრებით მაშინ, თუ გინდათ რომ შიმშილის და საჭირო კალორიების შევსება მოაცდინოთ.
მეორეს მხრივ, თუ თქვენ აპირებთ პროტეინ ბარის ჭამას სხვა მაღალცილოვან საკვებთან ერთად, შეარჩიეთ ისეთი ბარი, რომელიც შეიცავს დაახლოებით 12 გრამ ცილას.
3. შაქრის ტიპი და უჯრედისის რაოდენობა
რამდენი და რა ტიპის შაქარი გამოიყენება ცილოვან ბარში, მნიშვნელოვანია ყველასთვის, მაგრამ განსაკუთრებით მათთვის, ვინც ცდილობს შეზღუდოს შაქრის მიღება ან ყურადღება მიაქციოს შაქრის რა ტიპებს მოიხმარს.
ცხადია, თუ თქვენ ცდილობთ შეზღუდოთ შაქრის მიღება, უნდა მოძებნოთ ბარი, რომელიც აკმაყოფილებს ამ მოთხოვნას.
ზოგიერთი ცილოვანი ბარი შეიცავს შაქრის სპირტს, რათა ნაკლები იყოს შაქრის შემცველობა სიტკბოს შეწირვის გარეშე.
ხოლო თუ თქვენ საერთოდ არ იღებთ შაქარს იპოვნეთ ისეთი ბარი, რომელიც შეიცავს ისეთ დამატკობლებს, როგორიცაა:
ერითრიტოლი
სორბიტოლი
მალტიტოლი
ქსილიტოლი
ბოჭკოვანი
ბოჭკოვანი მნიშვნელოვანი საკვები ნუტრიენტია, რომელიც განსაკუთრებით ხელს უწყობს მომნელებელი სისტემის ჯანმრთელობას.
საშუალო რეკომენდებული დოზა მამაკაცის შემთხვევაში წარმოადგენს 28-დან 34 გრამს ხოლო ქალების შემთხვევაში 22-დან 28 გრამს დღიურად.
თუმცა გადამეტებული რაოდენობის ბოჭკოს შემცველმა პროტეინ ბარებმა ზოგიერთ ადამიანში, შეიძლება გამოიწვიოს საჭმლის მომნელებელი დისკომფორტი.
ასეთ შემთხვევაში მოძებნეთ ბოჭკოების ის ტიპი, რომელზე არ გექნებათ დისკომფორტი.
შეჯამება
პროტეინი ბარები საკმაოდ მოსახერხებელი და კომფორტული საკვებია.
თუმცა იმისათვის, რომ დარწმუნდეთ, რამდენად ჯდება ესა თუ პროტეინ ბარი თქვენს გეგმებში, მნიშვნელოვანია სწორად აირჩიოთ ის.
პროტეინის ბარის არჩევისას გახსოვდეთ კალორიული შემცველობა, დარწმუნდით, რომ ის შეიცავს საკმარის პროტეინს, დაადგინეთ რამდენ შაქარს და რა სახის დამატკბობლებს შეიცავს და ბოლოს, დარწმუნდით, რამდენად კარგი გემო აქვს!