Applied Nutrition - Casein - კაზეინი

კაზეინის პროტეინი მზადდება არა რძის შრატისგან, არამედ უშუალოდ რძისგან. ძროხის რძე შეიცავს დაახლოებით 80% კაზეინის პროტეინს.

რძის შრატისგან განსხვავებით, კაზეინის ცილა არის ნელა ათვისებადი, მის სრულად ათვისებას დაახლოებით 6-8 საათი სჭირდება. ამიტომ მას ანტიკატაბოლურ ცილას უწოდებენ.

კაზეინის პროტეინი და კუნთის ზრდა
ძილის დროს, როცა 7-8 საათის განმავლობაში ორგანიზმი განიცდის საკვები ნივთიერებების ნაკლებობას, იგი იმყოფება კატაბოლურ მდგომარეობაში. მიმდინარეობს კუნთოვანი მასის დაშლა ამინომჟავებად. იმისათვის რომ ეს პროცესი შევაჩეროთ ერთადერთი საშუალება არსებობს, დაძინებამდე მივიღოთ ისეთი საკვები, რომელიც მთელი ღამის განმავლობაში მოამარაგებს ჩვენს კუნთებს საკვები ნივთიერებებით - ამინომჟავებით, ასეთი პროდუქტი კი მხოლოდ ორია, ხაჭო ან კაზეინის პროტეინი. 
1 პორცია კაზეინის პროტეინი დაახლოებით 200 გრ ხაჭოს ტოლფასია ცილის შემცველობით. კაზეინის პროტეინი ორგანიზმში ქმნის აზოტის დადებით ბალანსს, რაც არის ერთერთი უმთავრესი ფაქტორი კუნთის ზრდისათვის 

კაზეინის პროტეინი და ცხიმის წვა
როგორც ვთქვით, კაზეინი არის ნელა ათვისებადი ცილა, ამიტომ მის გადამუშავებას ორგანიზმი დიდ დროს ანდომებს. შესაბამისად მისი მიღებიდან მინიმუმ 5-6 საათი თქვენ არ განიცდით შიმშილის გრძნობას, ხართ დანაყრებული, არადა სულ რაღაც 120 კალორია და 25 გრ ცილა გაქვთ მიღებული.
ეს კი იდეალურია კალორიების დეფიციტის შესაქმნელად, და მადის დასაქვეითებლად, თუ ის მომატებული გაქვთ.

ვარჯიშის შემდგომ საკვების ნაცვლად, კაზეინის ცილის მიღებით, სისხლში ინარჩნებთ შაქრის და ინსულინის დაბალ დონეს, რაც არის კიდევ ერთი მთავარი ფაქტორი წონაში კლებისთვის და თან ორგანიზმს ამარაგებთ ამინომჟავებით, რაც პარალელურად გეხმარებათ კუნთოვანი მასის შენარჩუნებაში.

კაზეინის პროტეინზე ჩატარებულმა კვლევებმა აჩვენა რომ, მისი მიღება:

- ამცირებს ტრიგლიცირიდების დონეს 22%-ით
- ამცირებს თავისუფალი რადიკალების დონეს
- აუმჯობესებს მსხვილ ნაწლავის მუშაობას
- აქვს ანტიბაქტერიული ეფექტი
- ზრდის იმუნიტეტს

Applied Nutrition - Casein ტესტირებულია ათლეტებისთვის და გადის მკაცრ კონტროლს ISO 17025 აკრედიტებულ ლაბორატორიში.
დამზადებულია GMP- ის ობიექტში მკაცრი ხარისხის კონტროლის ქვეშ.
მისი ხარისხი შეესაბამება ევროპის სურსათის უვნებლობის მოთხოვნებს წონის მართვასთან დაკავშირებით.

მიღების წესი და დოზირება

2 კოვზი (30გრ) გახსენით 300-500 მლ წყალში ან რძეში და მიიღეთ დაძინებამდე 30-60 წთ ადრე. 
მისი გამოყენება ასევე შეგიძლიათ კვების ნაცვლად, თუ კვებას ვერ ახერხებთ ხანგრძლივი პერიოდის განმავლობაში.

გაფრთხილება

არ მიიღოთ ორსულობის ან ლაქტაციის პერიოდში. შეწყვიტეთ მედიკამენტის მიღება და მიმართეთ ექიმს კონსულტაციისთვის, თუ გაგიჩნდათ უჩვეულო სიმპტომები, თუ შეამჩნიეთ კანზე გამონაყარი ან მოგცათ სხვა ალერგიული რეაქცია. არ მიიღოთ 18 წლამდე ასაკის ადამიანებმა.ამ პროდუქციის მიღებამდე კონსულტაცია გაიარეთ ექიმთან თუ თქვენ მკურნალობთ ან გარკვეული დიაგნოზი გაქვთ დასმული რაიმე დაავადებაზე, ან ღებულობთ მედიკამენტურ საშუალებებს. ამ პროდუქციის არასწორი მიღება ვერ მოგცემთ შედეგებს, ამიტომ გამოიყენეთ მხოლოდ ისე, როგორც არის მითითებული. შეინახეთ გრილ და მშრალ ბავშვებისთვის ხელმიუწვდომელ ადგილას.