4 გზა მენტალური ჯანმრთელობის გასაუმჯობესებლად

მენტალური ჯანმრთელობა ისეთივე მნიშვნელოვანია, როგორც გულის, კანის და სახსრების ჯანმრთელობა.

ტვინის მუშაობა და მისი გაუმჯობესება ოთხ მნიშვნელოვან ფაქტორზეა დამოკიდებული, ესენია:

ჯანსაღი კვება

თანმიმდევრული ფიზიკური აქტივობა

მშვიდი ძილი

სტრესის ეფექტური მართვა

მოდი ეს ყველა ფაქტორი ცალკეულად განვიხილოთ.

1. ჯანსაღი კვება

შეამცირეთ ცხიმიანი და ზედმეტად გადამუშავებულ საკვები, რომელიც პირდაპირ გავლენას ახდენს მენტალურ ჯანმრთელობაზე.

მიირთვი ისეთი საკვები, რომელიც მდიდარია ისეთი ნივთიერებებით, როგორიცაა: როგორიცაა თუთია, ვიტამინი B12 და კურკუმა.

თუთია

2022 წელს ჩატარებულმა კვლევამ დაადასტურა, რომ თუთიის დეფიციტმა შეიძლება გავლენა მოახდინოს ძილსა და შემეცნებით უნარებზე. თუთიის დეფიციტის თავიდან ასაცილებლად მიიღეთ შემდეგი საკვები: ხამანწკები,  მარცვლეული, ლობიო და ქათამი, ასევე ნუში და გოგრის თესლი.

B12

ჯანდაცვის ეროვნული ინსტიტუტის მიხედვით, 60 წელს გადაცილებულ ადამიანებს აქვთ ვიტამინი B12 დეფიციტი.

B12 ხელს უწყობს ძილისა და მეხსიერების ოპტიმიზაციას და ტვინის ნერვული ფუნქციის შენარჩუნებას. საკვები, რომელიც შეიცავს B12-ს, ესენია: ხორცი, კვერცხი და მარცვლეული. ასევე პროფილაქტიკისთვის ხშირად რეკომენდირებულია B12 საკვებდანამატების მიღება.

კურკუმა

კურკუმა არის სანელებელი, რომლის აქტიური ინგრედიენტია კურკუმინი. მას აქვს ანთების საწინააღმდეგო ეფექტი და, 2019 წლის კვლევის თანახმად, იგი ხელს უწყობს ტვინში ამილოიდური კვანძების წარმოქმნის შეჩერებას, რაც აფერხებს შემეცნებით უნარებს.

2. ფიზიკური აქტივობა

დაავადებათა კონტროლისა და პრევენციის ცენტრების თანახმად, რეგულარული ფიზიკური აქტივობა ამცირებს შემეცნებითი დაქვეითების რისკი.

პრევენციულ მედიცინაში ჩატარებულმა კვლევამ დაადგინა, რომ ერთი წლის განმავლობაში კოგნიტური დაქვეითება შეეხო ადამიანების თითქმის 16%-ს, რომლის მთავარი მიზეზი ფიზიკური აქტივობის არ ქონა იყო.

ასე რომ, ივარჯიშეთ, დაკავდით ფიზიკური აქტივობით, თუნდაც მხოლოდ კვირაში 2 დღე. ეს ფაქტი საგრძნობლად ხელს შეუწყობს თქვენს მენტალურ ჯანმრთელობას.

3.დასვენება, ძილი

დადგენილია, რომ ზრდასრულთა 30% მსოფლიოში ებრძვის უძილობის სიმპტომებს, მათ შორის დაძინების ან ღრმა ძილის პრობლემებს.

თუ ძილის ქრონიკული პრობლემა გაქვთ, აუცილებლად მიმართეთ ექიმს. ხოლო თუ უძილობა პერიოდულად გაწუხებთ, მის მოწესრიგებაში დაგეხმარებათ ადაპტოგენური ნაერთები, ესენია, აშვაგანდა, ლ-თიანინი, გაბა, მელატონინი და ასე შემდეგ.

4. სტრესისგან განთავისუფლება

კვლევები აჩვენებს, რომ ქრონიკული სტრესი ასოცირდება შემეცნებით პრობლემებთან. ერთმა ანალიზმა აჩვენა, რომ სტრესის ამაღლებული დონით ცხოვრება ასოცირებული იყო ცუდ მენტალურ ჯანმრთელობასთან.

სტრესის მართვა შეიძლება მოიცავს, ყველა ზემოთ ჩამოთვლილი ფაქტორების დაცვას. ფიზიკურ აქტივობა, ჯანსაღი კვება, რომელიც ხელს უწყობს ხარისხიან ძილს.

სტრესის სამართავად, კლივლენდის კლინიკა რეკომენდაციას უწევს ანთების საწინააღმდეგო დიეტას, რომელიც მოიცავს საკვებ რაციონში ისეთი საკვების გამოყენებას, როგორიცაა: თევზი, ხორცი, ხილი, ბოსტნეული, 100% მთელ მარცვლეული და ჯანსაღ ცხიმები.