Uns - Vitamin B6

ვიტამინი B6 წყალში ხსნადი ვიტამინია. ის სისხლში შეიწოვება კუჭ-ნაწლავის ტრაქტიდან, ინახება ტვინში, კუნთებში, ღვიძლში და თირკმელებში. აუცილებელია 100-ზე მეტი ფერმენტის გამართული ფუნქციონირებისთვის, მისი სწორი დონე განსაზღვრავს ჰორმონების სეკრეციის პროცესებს და სისხლის წითელი უჯრედების გამომუშავებას. ის მნიშვნელოვან როლს ასრულებს გულ-სისხლძარღვთა და იმუნური სისტემების ოპტიმალურ ფუნქციონირებაში და ზრდის კუჭ-ნაწლავის ტრაქტიდან მაგნიუმის შეწოვას. 

ვიტამინი B6 მნიშვნელოვანი კომპონენტია ნახშირწყლების, ამინომჟავების და ცხიმების მონელების პროცესში. ასევე მნიშვნელოვანია ნერვული სისტემის გამართული ფუნქციონირებისათვის, კანისა და სისხლის ფორმიანი ელემენტების განახლების პროცესებისათვის.

მისი დეფიციტი ხშირად ანემიის მიზეზია, რადგან ირღვევა  ერითროციტების წარმოქმნის პროცესი. ასევე ვითარდება დეპრესია და იმუნური სისტემის პრობლემები.
B6 ვიტამინის დეფიციტის სიმპტომებია დერმატიტი, კანის აქერცვლა, გამონაყარი, კიდურების დაბუჟება, ტუჩის კუთხეების დაწყლულება, ანემია და გულყრები.

Uns - Vitamin B6 თვისებები და გავლენა:

-მატებს კანს ელასტიურობას
-ახდენს ნერვული სისტემის მოწესრიგებას
-აძლიერებს გულ-სისხლძარღვთა და იმუნურ სისტემებს 
-ხსნის დაღლილობას და აფერხებს მის დაწყებას
-მონაწილეობს ენერგიის მეტაბოლიზმში

მიღების წესი და დოზირება: 
მიიღეთ ერთი კაფსულა დღეში ერთხელ წყალთან ერთად

გაფრთხილება:
თუ ხართ 18 წლამდე ასაკის, ორსული ან გაქვთ ლაქტაციის პერიოდი, თუ რაიმე სამედიცინო მდგომარეობის დიაგნოზი გაქვთ ან იყენებთ მედიკამენტებს, არ გამოიყენოთ ექიმთან კონსულტაციის გარეშე. არ გადააჭარბოთ რეკომენდირებულ დოზას. საკვები დანამატები უნდა იყოს ჯანსაღი და მრავალფეროვანი დიეტის ნაწილი.