ვაშლის სიდრი ძმარი - სარგებელი
ვაშლის სიდრის ძმარი საუკუნეებია რაც გამოიყენება კულინარიასა და ბუნებრივ მედიცინაში, რადგან გააჩნია ჯანმრთელობის არაერთი სარგებელი:
ხელს უწყობს წონის დაკლებას
ქოლესტერინის შემცირება
სისხლში შაქრის დონის კონტროლი
დიაბეტის სიმპტომების გაუმჯობესება
ამ სტატიაში განხილული იქნება ის მტკიცებულებები, რომელიც ვაშლის სიდრი ძმარს ეფექტურს ხდის ჯანმრთელობისთვის.
1. ძმარმჟავას მაღალი შემცველობა
ძმარმჟავა არის ძმრის ძირითადი აქტიური ნაერთი, რომელიც აძლევს მას ძლიერ მჟავე სუნს და გემოს. მკვლევარები თვლიან, რომ ეს მჟავა პასუხისმგებელია ვაშლის ძმრის ჯანმრთელობის სარგებელზე. სიდრი ძმარი შეიცავს დაახლოებით 5% სანდო წყაროს ძმარმჟავას.
ორგანული, გაუფილტრავი ვაშლი ასევე შეიცავს ნივთიერებას, რომელსაც ეწოდება “დედა”, იგი შედგება ცილების, ფერმენტების და მეგობრული ბაქტერიებისგან, რომლებიც პროდუქტს ვიზუალურად ბუნდოვან იერს აძლევს.
მიუხედავად იმისა, რომ ვაშლის სიდრი ძმარი არ შეიცავს ბევრ ვიტამინს ან მინერალს, ხარისხიანი ძმარი შეიცავს ზოგიერთ ამინომჟავას და ანტიოქსიდანტებს.
2. მავნე ბაქტერიების განადგურება
ვაშლის სიდრის ძმარი ხელს უწყობს პათოგენების მოკვლას, მათ შორის ცუდი ბაქტერიების განადგურებას.
ძველად ხალხი აქტიურად იყენებდა ძმარს დასუფთავების, დეზინფექციის და სხვადასხვა ინფექციების სამკურნალოდ.
ჰიპოკრატე, თანამედროვე მედიცინის მამა, ძმარს იყენებდა ჭრილობების გასაწმენდად 2000 წელზე მეტი ხნის წინ.
ძმარი ასევე არის საკვების კონსერვანტი. კვლევები აჩვენებს, რომ ის აფერხებს ბაქტერიების გამრავლებას, რაც აფუჭებს საკვებს.
ასე რომ თუ თქვენ გსურთ ბუნებრივი გზით საკვების ვარგისიანობის შენარჩუნება, ვაშლის სიდრი ძმარი დაგეხმარებათ.
3. სისხლში შაქრის დონის შემცირება და დიაბეტის მართვა
დღეისათვის, ვაშლის სიდრის ძმარი ერთ-ერთი ყველაზე პრაქტიკული საშუალებაა მე-2 ტიპის დიაბეტის სამკურნალოდ.
ტიპი 2 დიაბეტი ხასიათდება სისხლში შაქრის მაღალი დონით, რომელიც გამოწვეულია ინსულინის რეზისტენტობით ან ინსულინის გამომუშავების უუნარობით.
2019 წლის კლინიკური ცდა გვიჩვენებს, რომ ვაშლის ძმრის მოხმარებას სასარგებლო გავლენა აქვს გლიკემიურ ინდექსზე და ოქსიდაციურ სტრესზე.
ვაშლის სიდრი ძმარი ზოგადად აღიარებულია, როგორც უსაფრთხო. მაგრამ თუ თქვენ იღებთ სისხლში შაქრის დამაქვეითებელ მედიკამენტებს, მის გამოყენებამდე მიმართეთ ექიმს.
4. წონის კლების ხელშემწყობი
რაც არ უნდა გასაკვირი იყოს, კვლევებმა აჩვენა, რომ ვაშლის სიდრის ძმარი ადამიანებს ეხმარება წონის დაკლებაში.
ადამიანებზე ჩატარებულმა რამდენიმე კვლევამ აჩვენა, რომ ძმარს შეუძლია გაზარდოს სისავსის შეგრძნება, რაც პირდაპირ კავშირშია დღის განმავლობაში კალორიების ნაკლებ მიღებასთან.
5. გულის ჯანმრთელობა
გულის დაავადება სიკვდილის ერთ-ერთი მთავარი მიზეზია.
რამდენიმე ბიოლოგიურმა ფაქტორმა შეიძლება გავლენა მოახდინოს გულის დაავადების რისკზე.
კვლევა ადასტურებს, რომ ვაშლის ძმარი ამცირებს ზოგიერთ მათგანს.
2020 წლის მიმოხილვაში აღნიშნულია, რომ ვაშლის სიდრის ძმარს დადებითი სარგებელი აქვს ლიპოპროტეინებზე, ტრიგლიცერიდებზე და მთლიანი ქოლესტერინის დონეების კონტროლზე.
6. კანის ჯანმრთელობა
ვაშლის სიდრი ძმარი აქტიურად გამოიყენება კანის დაავადებების სამკურნალოდ, როგორიცაა მშრალი კანი და ეგზემა.
კანი ბუნებრივად ოდნავ მჟავეა. მაგრამ ეგზემის მქონე ადამიანებში შეიძლება ნაკლებად მჟავე იყოს. ვაშლის სიდრი ძმრის გამოყენება ხელს უწყობს კანის ბუნებრივი pH-ის ბალანსის აღდგენას და კანის დამცავი ბარიერის გაუმჯობესებას.
თუმცა, საჭიროა მისი ზომიერად გამოყენება რათა ძმარმა პირიქით, არ გააღიზიანოს კანი. ასე რომ თუ გსურთ კანის დაავადებისას მისი გამოყენება წინასწარი კონსულტაცია გაიარეთ ჯანდაცვის პროვაიდერთან.