თმის ზრდის ბუნებრივი საშუალებები

თმის ჯანმრთელობა ბევრის ადამიანის საფიქრალია. უფრო მეტიც, ზოგიერთ ადამიანი ასობით დოლარს ხარჯავს, თუმცა უშედეგოდ.

ნუტრიენტები ჯანსაღი თმისთვის

მიუხედავად იმისა, რომ თქვენ არ შეგიძლიათ გაზარდოთ თმის ფოლიკულების რაოდენობა, საკვებიდან ან საკვებიდანამატებიდან შესაბამისი ნუტრიენტების გამოყენებას შეუძლია ხელი შეუწყოს თმის სიმკვრივესა და ზრდას.

პროტეინი

ცილა არის აუცილებელი საკვები ნივთიერება, რომელიც ასრულებს ბევრ მნიშვნელოვან როლს თქვენს ორგანიზმში, მათ შორის ეხმარება სითხის ბალანსის შენარჩუნებას, იმუნური სისტემის რეგულირებას და ქსოვილების შენარჩუნებას. პროტეინი ასევე მნიშვნელოვანია თმის ჯანმრთელობისა და ზრდისთვის.

კოლაგენი

კოლაგენიც არის ცილა, რომელსაც სხეული ბუნებრივად გამოიმუშავებს. ეს არის ყველაზე უხვი ცილა ადამიანის ორგანიზმში და გვხვდება შემაერთებელ ქსოვილებში, კანსა და ძვლებში.

ასაკთან ერთად, კოლაგენის წარმოება ბუნებრივად ნელდება, რაც გავლენას ახდენს შემაერთებელი ქსოვილების მთლიანობასა და გარეგნობაზე. ვინაიდან თმა შემაერთებელი ქსოვილია, კოლაგენის საკვებდანამატის სახით გამოყენება დაგეხმარებათ თმის ჯანმრთელობის გაუმჯობესებაში.

ომეგა-3

ომეგა -3 ცხიმოვანი მჟავები კიდევ ერთი მნიშვნელოვანი საკვებია თმის ჯანმრთელობისთვის. ეს ნუტრიენტი აუცილებელია, რადგან ორგანიზმი ვერ გამოიმუშავებს მას და უნდა მოიხმაროთ იგი საკვებიდან და საკვებ დანამატებიდან. მიუხედავად იმისა, რომ ომეგა -3 ცნობილია ანთების საწინააღმდეგო სარგებლიანობით, კვლევები ადასტურებს, რომ იგი ასევე სასარგებლოა თმის ჯანმრთელობისთვის.

საკვები, რომელიც ხელს უწყობს თმის ზრდას

ცხიმიანი თევზი

ორაგული, ქაშაყი და სკუმბრია აუცილებელი ომეგა -3 ცხიმებისა და ცილების უმდიდრესი წყაროა. მიუხედავად იმისა, რომ დანამატი უზრუნველყოფს ამ საკვები ნივთიერების უფრო კონცენტრირებულ რაოდენობას მცირე შეფუთვაში, ომეგა -3-ის საკვები წყაროები ასევე უზრუნველყოფს ცილებს და სხვა მნიშვნელოვან საკვებ ნივთიერებებს. დაკონსერვებული თევზი არის მოსახერხებელი გზა მეტი ომეგა -3-ის მისაღებად.

თხილი და თესლი

ყველა თხილეული და თესლი უზრუნველყოფს მცენარეულ პროტეინს ჯანსაღ ცხიმებთან და ბოჭკოებთან ერთად. ნიგოზი, ჩია, სელის და კანაფის თესლები განსაკუთრებით მდიდარია არსებითი ომეგა -3 ცხიმოვანი მჟავებით. თხილი და თესლი ასევე მდიდარია ბიოტინით და სხვა ვიტამინებითა და მინერალებით, რომლებიც ხელს უწყობს თმის სიჯანსაღეს.

ხორცი

ხორცი არის მაღალი ბიოშეღწევადი ცილის ერთ-ერთი საუკეთესო წყარო, მკვებავი ნივთიერება, რომელიც ხელს უწყობს თმის ზრდას. ცილის გარდა, წითელი ხორცი, კერძოდ, არის რკინის შესანიშნავი წყარო, რომელიც აუცილებელია ჟანგბადის მიწოდებისთვის მთელ სხეულში, მათ შორის თმის ფოლიკულებში. საქონლის ხორცს არ სჭირდება განსაკუთრებული მომზადება, რაც მას სწრაფ და მარტივ გზად აქცევს თქვენს რაციონში პროტეინის მარაგების დასაკმაყოფილებლად.

პარკოსნები

ლობიო და ოსპი გამოირჩევა თუთიის შემცველობით, რაც იშვიათობაა მცენარეულ საკვებში. ლობიო ასევე არის რკინისა და ბიოტინის შესანიშნავი წყაროა, რომლებიც ხელს უწყობენ თმის ზრდას.

ჯანსაღი ჩვევები

მიუხედავად იმისა, რომ სწორი კვება და საკვებდანამატები ხელს უწყობენ თმის ჯანსაღ ზრდას, ასევე აუცილებელია ისეთი ჩვევების შემცირება, რომლებიც აზიანებს თქვენს თმას. დაიცავით თმის ჯანსაღი ჩვევები, რათა ხელი შეუწყოთ თმის ჯანმრთელობას და ზრდას:

მინიმალურად გამოიყენეთ თმის საშრობები

იშვიათად შეიღებეთ თმა

მოერიდეთ ზედმეტ დავარცხნას

ზედაპირულად შეიმშრალეთ თმა პირსახოცით

ხშირად შეიჭერით თმა