როგორ მოვამზადოთ პროტეინ შეიკი?

პროტეინის საკვებდანამატები პრაქტიკული საშუალებაა ფიტნესისა და კვებაზე ორიენტირებული მიზნების მისაღწევად.

პროტეინის მიღების სხვადასხვა ვარიაცები არსებობს, ერთ ერთი ყველაზე პოპულარულია პროტეინ-შეიკები.(იგივე კოქტეილები)

ამ სტატიაში ვისაუბრებთ თუ როგორ შეგიძლიათ მოამზადოთ პროტეინის კოქტეილი, რომელიც პირველ რიგში იქნება ეფექტური და თან სასიამოვნო მისაღები.

ნაბიჯი 1

დღის რა მონაკვეთში გსურთ თქვენი პროტეინის კოქტეილის მოხმარება და რა არის თქვენი მიზანი?

ეს არის კითხვა, რომელიც გასათვალისწინებელია პროტეინის კოქტეილის შექმნისას. ის შეგვიძლია შევადაროთ ხელსაწყოს, რომლის გამოყენებასაც გარკვეული ინსტრუქცია და პარამეტრები სჭირდება.

პირველ რიგში, პროტეინის კოქტეილის შესაქმნელად მნიშვნელოვანია გაითვალისწინოთ, თქვენი ცხოვრების წესი, კვება და ფიტნეს მიზნები. მაგალითად, თუ კალორიულ დეფიციტის ფაზაში ხართ, პროტეინის შეიკში ნაკლებად უნდა გამოიყენოთ კალორიული და ინსულინის მაპროვიცირებელი საკვები ნივთიერებები.

უფრო კონკრეტულად, დავუშვათ, რომ დეფიციტის ფაზაში ხართ, ამ შემთხვევაში, თქვენ უნდა მოამზადოთ ცილოვანი კოქტეილები, სადაც ნაკლები ცხიმი და მეტი ხილი იქნება, რათა კალორიული შემცველობა უფრო დაბალი იყოს.

თუ მატების ფაზაში ხართ, კოქტეილის იგრედიენტებად შეგიძლიათ გამოიყენოთ: შვრია, არაქისის კარაქი, იოგურტი და ასე შემდეგ.

ნაბიჯი 2:

სწორად შერჩეული არომატი მნიშვნელოვანია ცილოვანი კოქტეილის მომზადებისას. კოქტეილის დანიშნულებაც ხომ ეგ არის, რომ გემრიელი ფორმით მიიღოთ აუცილებელი ნივთიერებები?

კარგი გემოს შერჩევისას პირველ რიგში გასათვალისწინებელია, პროტეინის არომატი, რომელსაც კოქტეილის მომზადებისას იყენებთ. მაგალითად, თუ თქვენ მოიხმართ პროტეინს ვანილის არომატით, სწორად შეარჩიეთ საბაზისო ინგრედიენტები. ესენია: ყინული, წყალი, ნუშის რძე, რძე, შვრიის რძე და ა.შ. ბაზები მნიშვნელოვანია, რადგან მათ შეუძლიათ გავლენა მოახდინონ შეიკის საერთო გემოზე.

მაგალითად, თუ გამოიყენებთ რძეს, უნდა ელოდოთ, რომ შეიკს ექნება მისი დახვეწილი მინიშნება. უმეტეს შემთხვევაში, ბაზა კარგად უნდა შეესაბამებოდეს კოქტეილის საერთო გემოს.

დეფიციტის ფაზაში მყოფთათვის საბაზისოდ, რძის ნაცვლად რეკომენდირებულია, წყლისა და ყინულის გამოყენება.

ნაბიჯი 3

ახლა, როდესაც აარჩიეთ საბაზისო ინგრედიენტები, დროა გადაწყვიტოთ პროტეინის რომელ სახეობას გამოიყენებთ შეიკში.

შრატის ცილა (whey) შესანიშნავი ვარიანტია "ნებისმიერი" ტიპის შეიკისთვის. თუ გსურთ, რომ თქვენი კოქტეილი ნაკლებად სქელი და ცხიმის დაბალი შემცველობა ქონდეს, ამ შემთხვევაში გამოიყენეთ შრატის იზოლატი.

მცენარეული ცილა საკმაოდ ეფექტურია პროტეინ შეიკების მოსამზადებლად და განსაკუთრებით პრაქტიკულია იმ ადამიანებისთვის, ვინც არ იღებს ცხოველური წარმოშობის საკვებს.

კაზეინის ცილაზე დამზადებული კოქტეილი კარგი ვარიანტია ღამის საათებში. იგი ნელ ნელა სინთეზირდება ადამიანის ორგანიზმში. თუმცა მსგავსი კოქტეილის მომზადებისას გასათვალისწინებელია შემდეგი დეტალი: კაზეინი ბუნებრივად სქელია და თუ შეიკის შესაქმნელად გამოიყენებთ ბევრ ინგრედიენტს, მაშინ იგი პუდინგის მსგავსი უფრო იქნება.

3 გემრიელი პროტეინის შეიკის რეცეპტი

სტანდარტული კოქტეილი

მოსამზადებლად, უბრალოდ დაამატეთ ყველა ინგრედიენტი ბლენდერში და აურიეთ ერთგვაროვნებამდე.

მომზადების დრო: 5 წუთი

კალორია: ~ 450 კკალ

 ინგრედიენტები:

1 კოვზი შოკოლადის ცილის ფხვნილი

1 ბანანი

1 ჭიქა ბავშვის ისპანახი

 2 ს/კ. არაქისის კარაქისგან

1 ჭიქა უშაქრო ნუშის რძე ან წყალი

1 ჭიქა ყინული

მასის მატება (კალორიული კოქტეილი)

მომზადების დრო: 5 წუთი

კალორია: ~ 800 კკალ

ინგრედიენტები:

1 სკუპი ცილის ფხვნილი

1 ჭიქა ბერძნული იოგურტი

2 ს/კ. არაქისის კარაქისგან

1 პორცია შავი შოკოლადი

1 ბანანი

1 ჭიქა ყინული

1 ჭიქა რძე

წონის კლება

ეს კოქტეილი შესანიშნავი ვარიანტია დეფიციტის ფაზაში მყოფთათვის, ვისაც სურს გემრიელი პროტეინის კოქტეილი, რომელსაც აქვს კარგი მოცულობა.

მომზადების დრო: 5 წუთი

კალორია: ~ 300 კკალ

ინგრედიენტები:=

1 სკუპი ცილის ფხვნილი

1 ჭიქა მარწყვი ან მოცვი

1 ჭიქა ბავშვის ისპანახი

1 ს/კ არაქისის კარაქი

1 ჭიქა წყალი

1 ჭიქა ყინული

ამ კოქტეილში მთავარი აქცენტი გაკეთებულია ცილოვან ნივთიერებებზე, რომელიც ხელშემწყობია კალორიულ დეფიციტში მყოფი ადამიანებისთვის. ასევე შეგიძლიათ არაქისის კარაქის ნაცვლად გამოიყენოთ უცხიმო ბერძნულ იოგურტი, თუ კიდევ უფრო გსურთ მეტი ცილა და ნაკლები ცხიმი.