ტოპ 4 ბენეფიტი, რომელსაც ვარჯიშის დროს, საკვებიდანამატების გამოყენებით იღებთ

საკვები დანამატები ეს გახლავთ საკვები ნივთიერებების კონცენტრირებული წყაროები, სადაც შეიძლება კომპლექსურად იყოს გაერთიანებული ვიტამინები, მინერალები, სხვადასხვა საკვები ნუტრიენტები(მაგალითად: ცილა, ნახშირწყლები, ცხიმი) საკვებდანამატებში შეიძლება იყოს სხვა ინგრედიენტების ფართო სპექტრი: ამინომჟავები, აუცილებელი ცხიმოვანი მჟავები, საკვები ბოჭკო და მცენარეული ექსტრაქტები.

დღესდღეობით საკვები დანამატების გამოყენება საკმაოდ პრაქტიკული და აქტუალურია, განსაკუთრებით ვარჯიშის დროს. მათი მეშვეობით შეგიძლიათ გაზარდოთ თქვენი ორგანიზმის რესურსი, რაც გამოიხატება ენერგიის და გამძლეობის გაუმჯობესებაში.

სწორად შერჩეული საკვები დანამატი საწვავის ფუნქციას ასრულებს ორგანიზმში. ადამიანები, რომლებიც ვარჯიშობენ რამდენიმე საათის განმავლობაში, ეს იქნება სპორტდარბაზი, თუ ფიზიკური აქტივობა სუფთა ჰაერზე ბუნებაში, განსაკუთრებით ესაჭიროებათ გაუმჯობესებული ფიზიოლოგიური ქმედებები, როგორიცაა: ჰიდრატაცია(დატენიანება) ფოკუსი და კონცენტრაცია.

ახლა კი უფრო დეტალურად განვიხილოთ თუ რა სარგებელი მოაქვს ვარჯიშის დროს საკვები დანამატების გამოყენებას.

                       1 გონებრივი ფოკუსი

ვარჯიშის დროს საკვები დანამატები გვეხმარება გონებრივი კონცენტრაციის გაუმჯობესებაში. გონებრივი ფოკუსის შენარჩუნება, განსაკუთრებით მნიშვნელოვანია, როგორც მაღალი ინტენსივობის დროს, ასევე ძალისმიერი ვარჯიშების დროსაც.

ვარჯიშის დროს ყურადღების მოდუნებამ, შეიძლება შეაფერხოს მისი ეფექტი, განსაკუთრებით მაშინ, როდესაც გსურთ ვარჯიშის შედეგად თქვენი სხეული პროგრესირდეს. რეგულარული ფიზიკური აქტივობა საკმაოდ დიდ ძალისხმევას მოითხოვს, რომელიც თავის მხრივ დამღლელია და ამ მიზეზით ვარჯიში შეიძლება გახდეს ერთფეროვანი. ასე რომ ფოკუსის შენარჩუნება ძალზედ მნიშვნელოვანია.

მაგალითად ჟენშენის მიღება საკვები დანამატის სახით, დაგეხმარებათ შეინარჩუნოთ ფოკუსი, ნეიროტრანსმიტერების(სხეულის მიერ შექმნილი ქიმიური ნივთიერებები, რომლებიც ტვინში სხვადასხვა სახის სიგნალს გადასცემენ ) სტიმულირებით და კოგნიტური მუშაობის გაუმჯობესებით. ჟენშენი ასევე შეიცავს ნაერთებს სახელწოდებით ჟინსენოზიდებს, რომელიც ზრდის ცილის სინთეზს და ტვინში ნეიროტრანსმიტერების აქტივობას, ასტიმულირებს სისხლძარღვების წარმოქმნას და დადებითად მოქმედებს სისხლის მიმოქცევაზე. საერთო ჯამში კი უმჯობესდება, როგორც მეხსიერება, ასევე კოგნიტური უნარები.

                                    2 სწრაფი აღდგენა

ვარჯიში რამდენადაც კარგია, იმდენად შეიძლება საზიანო აღმოჩნდეს კუნთოვანი ქსოვილებისთვის.  ადამიანის სხეული გამოიმუშავებს საწყის ენერგიას ფოსფაგენის სისტემიდან,(სხეულის ენერგეტიკული ველი) შემდეგ გლიკოგენისგან,( ნახშირწყლების ტიპი, რომელიც ფორმირდება და ინახება ღვიძლში და კუნთებში) რომელიც სინთეზირებულია გლუკოზის მეშვეობით. ზემოთ განხილულ პროცესს გლიკოლიზი ეწოდება.

ინტენსიური ვარჯიშის დროს კუნთს აქვს ამინომჟავების მარაგი, რომელიც ასევე ცნობილია როგორც თავისუფალი ამინომჟავის აუზის სახელწოდებით. კუნთების მუდმივმა შეკუმშვამ (რომელიც ძირითადად ვარჯიშის დროს ხდება), განსაკუთრებით მაშინ, როდესაც ნახშირწყლების მიწოდება ვერ ხერხდება, შეიძლება გამოიწვიოს კუნთის მასის ეტაპობრივ შემცირება.

 ზუსტად ამ რეგრესის შესაჩერებლად ,არსებობს ამინომჟავების კომპლექსი, რომლის გამოყენება პრაქტიკულია ვარჯიშის დროს. ვარჯიშის პროცესში, ამინომჟავების მიღება დაგეხმარებათ შეინარჩუნოთ  დადებითი ბალანსი, რათა დაიცვათ კუნთი დაზიანებისგან. წინააღმდეგ შემთხვევაში არსებობს ალბათობა, რომ ორგანიზმში განვითარდეს ცილის კატაბოლიზმი,(კუნთოვანი ქსოვილის დაშლა) რომელიც თვალისთვის შეუმჩნევლად მიმდინარეობს.

კატაბოლიზმის შეჩერება ფაქტობრივად გადამწყვეტ როლს თამაშობს, რათა სხეულმა განაგრძოს კუნთური მასის შენარჩუნება და ზრდა.

შეუცვლელი ტიპის ამინომჟავები კატაბოლიზმის შემცირებით, ხელს უწყობენ კუნთში ცილის სინთეზის პროცესის გაუმჯობესებას, რაც საერთო ჯამში აისახება ვარჯიშის ეფექტიანობაზე.

            3.გაუმჯობესებული გამძლეობა

საკვები დანამატების მეშვეობით ასევე შესაძლებელია ვარჯიშის დროს, გამძლეობის გაუმჯობესება. რაც უფრო მეტი რესურსი აქვს კუნთს საჭირო დანამატის სახით, მით უფრო დიდხანს არის შესაძლებელი ხარისხიანი ვარჯიში.

ვარჯიშის დროს, იმ საკვები დანამატის გამოყენება რომელიც აუმჯობესებს გამძლეობას, პროპორციულად კავშირშია კუნთის დაღლილობის შემცირებასთან.

ამ მხრივ ძალიან დამხმარეა ციტრულინი, რომელიც ხელს უწყობს ჟანგბადის მიწოდების გაუმჯობესებას აზოტის ოქსიდის გამოთავისუფლებით. იგი ორგანიზმში წარმოშობს ტუმბოს ეფექტს, რის შედეგადაც  სისხლძარღვები ფართოვდება და სისხლი უკეთ ცირკულირებს.

კვლევებმა აჩვენა, რომ მეტი ჟანგბადის მიწოდება ხელს უწყობს გამძლეობის და ძალის გაუმჯობესებას.

                                4.ჰიდრატაცია

ეფექტიანი საკვები დანამატის ერთ-ერთი მთავარი უპირატესობა არის ორგანიზმში ხარისხიანი ჰიდრატაციის უზრუნველყოფა ელექტროლიტების ჩათვლით.

ვარჯიშის დროს, ორგანიზმის დატენიანება გადამწყვეტი ფაქტორი შეიძლება აღმოჩნდეს გამძლეობისა და ვარჯიშის გასახანგრძლივებლად.

როდესაც ვარჯიშობთ, ოფლის სახით დიდი რაოდენობით ელექტროლიტები იკარგება. ელექტროლიტები გახლავთ მინერალები, რომლებიც ატარებენ ელექტრულ აქტივობას ორგანიზმში.

ელექტროლიტების მეშვეობით შესაძლებელი ხდება ისეთი აუცილებელი მექანიკური ფუნქციების შესრულება როგორებიცაა: კუნთების შეკუმშვა და რელაქსაცია. ეს კი თავის მხრივ აუცილებელია, როგორც სპორტული აქტივობის დროს, ისე ყოველდღიურად, თუნდაც ფეხით გადაადგილების შემთხვევაშიც კი.

სტანდარტული ვარჯიშის დროს, ოფლის მეშვეობით ადამიანი კარგავს 2-6%-მდე სითხეს. ახლა წარმოიდგინეთ, რამდენ სითხეს კარგავთ ერთი კვირის განმავლობაში.

 თუ ადამიანი ყოველ ვარჯიშზე კარგავს სითხეს და ელექტროლიტებს, ხოლო სანაცვლოდ ვერ ახერხებს მათ შევსებას, ეს  აუცილებლად აისახება აღდგენით პროცესებზე, კერძოდ კი, სხეულში ჟანგბადის დონეზე და საკვები ნივთიერებების სინთეზირებაზე.

 ეს ყველაფერი კი საერთო ჯამში, ხელს შეუშლის როგორც კუნთოვანი ქსოვილის განვითარებას, ასევე საკვების ცუდ გადამუშავებას. შედეგად, სისხლის ნაკადში წარმოიქმნება აუცილებელი ნივთიერებების დეფიციტი.

ელექტროლიტები, როგორებიცაა: მაგნიუმი, კალიუმი და ქლორიდი, დაგეხმარებათ ჰიდრატაციის შევსებაში. ასეთ დროს, შეგიძლიათ გამოიყენოთ ქოქოსის წყალიმ ასში შედის ბევრი სასარგებლო ნუტრიენტი, რომელიც ხელს უწყობს სხეულის ჰიდრატაციას.

ქოქოსის წყალი ბუნებრივი სახით გამოირჩევა შაქრის დაბალი შემცველობით და აძლიერებს ელექტროლიტების უკეთ გამომუშავებას. მისი მეშვეობით თქვენ შეძლებთ სითხის შედეგად დაკარგული ნივთიერებების კვლავ აღდგენას.