გოგრის ზეთი, ვიტამინების და მინერალების მდიდარი წყარო

გოგრის ზეთი მიიღება თესლის ცივი დაწურვის შედეგად, რომელსაც მთელი რიგი კულინარიული და კოსმეტიკური შესაძლებლობები აქვს. მას აქვს სასიამოვნო გემო, რის გამოც თავისუფლად შეგიძლიათ გამოიყენოთ სხვადასხვა კერძებსა თუ დესერტებში.

თანამედროვე მეცნიერება მხარს უჭერს გოგრის ზეთის გამოყენებას მისი სასარგებლო თვისებების გამო.  გთავაზობთ რამდენიმე მიზეზს, თუ რატომ უნდა შეიტანოთ გოგრის ზეთი თქვენს ყოველდღიურ რაციონში.

ერთი სუფრის კოვზი გოგრის ზეთი შეიცავს:

კალორია: 120

ცხიმი: 14 გრამი

კალიუმი

მაგნიუმი

კალციუმი

რკინა

თუთია

ფოსფორი

გოგრის ზეთი ასევე არის პოლიუჯერი და მონოუჯერი ცხიმების შესანიშნავი წყარო. კვლევებმა აჩვენა, რომ უჯერი ცხიმები აუმჯობესებენ  სისხლში ქოლესტერინის დონეს, რაც ამცირებს გულის დაავადების და ტიპი 2 დიაბეტის რისკს.

კვლევამ აჩვენა გოგრის ზეთის მოხმარების სარგებელი

პროსტატის ჯანმრთელობა

გოგრის ზეთი ხელს უწყობს პროსტატის კეთილთვისებიანი ჰიპერპლაზიის გაუმჯობესებას. რანდომიზებულ კვლევაში, გოგრის ზეთმა შეამსუბუქა გადიდებული პროსტატის სიმპტომები და გააუმჯობესა მონაწილეთა ცხოვრების ხარისხი სამი თვის განმავლობაში.

გარდა ამისა გოგრის ზეთი ასევე უსაფრთხოდ მკურნალობს ქრონიკულ არაბაქტერიულ პროსტატიტს, ბაქტერიულ ინფექციას, რომელიც გავრცელებულია ხანდაზმულ მამაკაცებში.

თმის ცვენა

გოგრის ზეთი არის უსაფრთხო და ეფექტური საშუალება თმის ცვენის სამკურნალოდ. ამ  სარგებელის დამადასტურებელი მტკიცებულებები საკმაოდ ბევრია.

მაგალითად, 2014 წელს ჩატარებულ კვლევაში, მეცნიერებმა შეისწავლეს თმის ზრდის პროცესი იმ მამაკაცებში, რომლებიც იღებდნენ გოგრის ზეთს. მონაწილეები იღებდნენ 400 მგ გოგრის თესლის ზეთს ყოველდღიურად 24 კვირის განმავლობაში, რის შემდეგაც, 40%-ით გაიზარდა თმის რაოდენობა.

2021 წლის უახლესმა კვლევამ კოსმეტიკური დერმატოლოგიის ჟურნალში შეადარა გოგრის ზეთი მინოქსიდილის 5%-იან ქაფთან ქალური თმის ცვენის დროს.  გოგრის თესლის გამოყენების ჯგუფმა განიცადა მნიშვნელოვანი გაუმჯობესება თმის ზრდის პროცესში.

გულის ჯანმრთელობა

გოგრის ზეთს შეუძლია გააუმჯობესოს გულის ჯანმრთელობა ქოლესტერინის და მაღალი არტერიული წნევის შემცირებით. გოგრის ზეთი გაჯერებულია ჯანსაღი ცხიმებით, რაც  ტრანს ცხიმების  ალტერნატივას წარმოადგენს.

გოგრის თესლის ზეთი შეიცავს ცხიმოვან მჟავებს და ფიტოსტეროლებს (მცენარეული ნაერთი, რომელიც ხელს უშლის ქოლესტერინის შეწოვას ნაწლავებში) ეს ორივე საკვები კარგია გულის ჯანმრთელობისთვის.

მენოპაუზის სიმპტომების შემსუბუქება

მენოპაუზის სიმპტომები მოიცავს:

ცხელებას

თავის ტკივილს

სახსრების ტკივილს

გოგრის თესლი შეიცავს ფიტოესტროგენებს. ეს გახლავთ მცენარეული კომპონენტები, რომლებიც ორგანიზმში ესტროგენების როლს ასრულებენ.

2011 წლის კვლევაში, მეცნიერებმა შეაფასეს გოგრის ზეთის გავლენა ქოლესტერინზე და მენოპაუზის სიმპტომებზე. მკვლევარებმა 35 პოსტმენოპაუზის მონაწილეს მისცეს გოგრის თესლის ზეთი ან ხორბლის ზეთი. მათ აღმოაჩინეს, რომ მათ, ვინც გოგრის ზეთს იღებდა, გაიზარდა HDL ქოლესტერინი და შემცირდა დიასტოლური წნევა.