რა უნდა ვიცოდეთ კრეატინის შესახებ?

  • როგორ გავხადოთ ვარჯიში უფრო ეფექტური ?

კრეატინი არის ნაერთი, რომელიც ბუნებრივად გამომუშავდება სხეულის მიერ კუნთების ენერგიით უზრუნველყოფისთვის. კრეატინის დონის ზრდა ხელს უწყობს დაღლილობის მოხსნას, აუმჯობესებს მეტაბოლიზმს კუნთის უჯრედებში და აძლიერებს სხეულის შესაძლებლობებს.

კრეატინის სინთეზი ორგანიზმში ხდება სამი ამინომჟავისგან: გლიცინი, არგინინი და მეტეანინი.

წონის მატებისთვის ყველაზე ეფექტურია კრეატინის მონოჰიდრატი

კრეატინის მონოჰიდრატი გარდაიქმენა კრეატინის ფოსფატად, რის შედეგადაც იზრდება ორგანიზმში ენერგორესურსების მარაგი, რაც განაპირობებს, რომ თქვენ შეძლებთ გააუმჯობესოთ სავარჯიშო დრო და ფიზიკური მაჩვენებელი.

კრეატინის გამომუშავება ხდება ღვიძლში, პანკრეასში და თირკმელებში, შემდეგ ტრანსპორტირდება სისხლძარღვებში და სხეულის კუნთებში, სადაც გარდაიქმნება ფოსფოკრეატინად. ეს მაღალსიჩქარიანი მეტაბოლიტი შემდგომში გამოიყენება კუნთების რეგენერციისთვის, რაც კუნთების ენერგიის წყაროა.

რა შედეგები აქვს კრეატინის მიღებას?

კრეატინი ზრდის სხეულის უნარს, სწრაფად გამოიმუშავოს ენერგია.როგორც აღვნიშნეთ კრეატინი ჩვენს სხეულში ბუნებრივად არსებობს და ეხმარება კუნთების გაჯანსაღებას, თუმცა ძლიერი წვრთნების და ფიზიკური დატვირთვების დროს შესაძლოა ორგანიზმში მარაგი ამოიწუროს და კუნთი დაზიანდეს. ამიტომაც სპორტსმენები და ფიტნეს მიმდევრები კრეატინს დანამატის სახით მოიხმარენ, რაც ეხმარება მათ ენერგიის გამომუშავებასა და ვარჯიშების გაუმჯობესებაში.

როცა კუნთის მუშაობისას იხარჯება ატფ -ის მარაგი (რომელიც საკმარისია მხოლოდ რამოდენიმე წამის განმავლობაში), სწორედ ამ დროს კუნთის დასახმარებლად მოდის კრეატინფოსფატი, რომელიც ახდენს ატფ-ის რესინთეზს, რის შემდეგაც კუნთი აგრძელებს მუშაობას.

კრეატინი ეხმარება ორგანიზმს გაზარდოს სისწრაფე და მატებს გამძლეობას. იგი კუნთში აკავებს წყალს და კუნთის მოლეკულას აძლევს მაქსიმალურ ტონუსს.მისი მოქმედებით ორგანიზმმა შესაძლებელია მოიმატოს წონა საგრძნობლად მოკლე დროში.

საკვები რომელიც შეიცავს კრეატინს

როგორც ჩვენს სხეულს აქვს უნარი წარმოქმნას კრეატინი, ასევე გვხვდება საკვები პროდუქტები რომლებიც ბუნებრივად შეიცავენ კრეატინს.

საქონლის ხორცი, ღორის ხორცი და ორაგული შეიცავს დიდი რაოდენობით კრეატინს.

აქვს თუ არა კრეატინს გვერდითი ეფექტები?

კრეატინი არის ერთ-ერთი ყველაზე ხშირად გამოკვლეული სპორტული დანამატი. მკვლევარები მუდმივად შეისწავლიან ფაქტებს კრეატინის ეფექტურობისა და უსაფრთხოების შესახებ, ამიტომ მრავალი ტრენერი და ჯანმრთელობის ექსპერტი უწევს რეკომენდაციას კრეატინის გამოყენებას, რადგან კვლევებით დადასტურებულია მისი უსაფრთხოება რეკომენდებული დოზების მიღების დროს.

როდის უნდა მივიღოთ კრეატინი?

კრეატინის გამოყენების მრავალი მეთოდი არსებობს გავრცელებულია ჩატვირთვის ფაზის გამოყენება .

3-5 გრამი დღეში 3-4 ჯერ 5-7 დღის განმავლობაში.

  • დილით უზმოზე
  • საკვების მიღების შუალედში
  • ვარჯიშამდე
  • ვარჯიშის შემდეგ

შემდეგ იწყებ 5 გრამის გამოყენებას დღეში ან სტანდარტულად დაიწყო 5-10 გრამის გამოყენება დღეში 1-2 ჯერ

კრეატინის კურსი არ უნდა გაგრძელდეს 2 თვეზე მეტხანს და გამოყენების პერიოდში ყურადღება უნდა მივაქციოთ წყლის რაოდენობას 2-3 ლიტრი პატარა პორციებად.

გაფრთხილება!

  • თუ ხართ 18წლამდე ასაკის, ორსული ან გაქვთ ლაქტაციის პერიოდი, თუ რაიმე სამედიცინო მდგომარეობის დიაგნოზი გაქვთ ან იყენებთ მედიკამენტებს, არ გამოიყენოთ ექიმთან კონსულტაციის გარეშე.
  • არ გადააჭარბოთ რეკომენდებულ დოზას. საკვებდანამატები უნდა იყოს ჯანსაღი მრავალფეროვანი დიეტის ნაწილი.